慘痛的教訓....
自從某平台"rug pull"後... 真係頗受打擊.... 金錢損失七位數以上. 之後有個小手術後, 傷口還有少少感染發燒左數日. 幸好最近工作十分忙, 可以將注意力分散於工作.... 昨晚大致上整理好資料交給執法當局, 希望騙徒早日繩之於法, 或良心發現歸還所得... 整理資料覆盤時... 感覺到今次遇到的騙徒真係太高明... 似乎佈局精深及長遠, 借著crypto監管的風險講左一個相當consistent的故事, 之前無法用客觀資料有效反駁, 時間耐左不同人試個出金, 客戶體驗又好, 同埋多次顯示佢地研究團隊勁, 客觀上show到投資回報 (唔係馬後跑). 用左半年後真係信哂佢... 點知等一年後先突然消失, 諷刺的是消失前仲每人送150USDC"聖誕禮物". 應該有一段時間無時間及心情寫太多.... 但最後都想總結一下慘痛的教訓. 1. 儘量避開anonymous公司. 雖然不少國內及美國的業界人士都因監管風險而選擇anonymous, 但係scammer都係anonymous, 好難分得清. 最好就係別碰.... 就算點做DD, 最後一層始終無法verify... 整理後就算有過萬字對DD enquiries答覆都係無用.... 如果係平台公司， 最好在香港有註冊，唔係出事都好難追。 之前好似都有某turkey平台就算唔anonymous都會走佬 2. 千萬不要被好的服務質素而蒙蔽，因為騙徒的服務質素往往十分好，好到你不能想像。 反而一D大銀行服務質素差，反而顯示多人用， 够薑， 佢唔care. 3. 不要碰自己不太熟的投資產品.... 開戶時還是剛接觸crypto不久，知識水平不及scammer, DD做得不夠徹底， 容易被scammer 蒙蔽. 4. 不要低估騙徒的能力及耐性，今次真係被玩左成一年有多，原來係騙徒放長線... 5. 分散投資十分重要， 最好不用借錢玩投資。 本人都係之前借左稅貸，在揾一D高過銀行存款投資渠道時心急出事，幸好現時稅貸只還剩最後一期。 之後只能努力工作! I believe in Karma.
