HK Smart Money 精明投資理財

之前太忙(其實現時仍很忙), 唔記得匯報番之前 AirStar Bank 天星銀行兩個月免息貸款體驗 的最終結果. 答案係: 完全無伏! 一月時做左20萬 天星銀行兩個月免息貸款 , 當時攞左大部份去玩 APYHARVEST一月底前到期的入金優惠 , 入五萬港元有3500港元回贈, 有少部份去還卡數.... (主要係儲蓄保險卡數).....  三月份時.... 在兩個月還款到期前,   精明投資理財 就還番本金, 根據條款, 20萬貸款就變左免息, 而事實的確如此, 還款亦相當方法, 係APP咁一下"提前還款"就搞好啦. 最後確認, 係完全免息, 無花無假! 同時亦在同期通過 APYHAREST的入金優惠及高息存款 帶來過萬元收入. 題外話, 天星銀行APP唔可以SCREENCAP.... 用IPAD去影....相機質素超差....  同時亦暴露左個手機MON係裂的......🙈🙈🙈 總體來講, 新開的虛銀間間都算係不錯的, 暫時無見到有太大問題.

在 眾安ZA Bank做完低息稅貸 後,  精明投資理財 發現 天星銀行 (AirStar Bank) 都有做貸款優惠, 賣點係"60日免息免供", 即可以免息借兩個月貸款, 情況差不多如用SC PAY免息借十萬兩個月, 天星銀行 (AirStar Bank) 可以免息借到二十萬, 並係FULL兩個月! 精明投資理財 已分別從某大銀行及 眾安 ZA Bank 借左兩筆稅貸, 有點擔心不知仲有無銀行肯再借. 不過上次在 眾安ZA Bank做低息稅貸 時其實無用盡Credit Limit, 所以姑且一試! 再加上 天星銀行 (AirStar Bank) 網頁話24 x 7 由申請至貸款過數, 最快5分鐘完成, 同時利用大數據分析作審批, 無須入息證明及住址證明! 望落好方便咁, 所以也隨手一試! 在 天星銀行 (AirStar Bank) APP上填完資料後, 即刻已有初步審批結果, 竟然係批左!!!! 不過唔記得SCREENCAP作分享, 總之大約批左最後二十幾萬, 但要最少分六十幾個月還, 即五年以上!!! 但有Slider比你選擇, 貸款額少D可以縮短年期.  選擇二十萬元正可以分48月還!  精明投資理財 被批的年利率是3.80%左右, 有點高, 但考慮到已借左兩筆無抵押貸款, 可以接受!!!  再加上 精明投資理財 也打算兩個月內還, 可以免息, 所以利息高低也無所謂. 之後 精明投資理財 按接受, 但之後要上載入息證明及住址證明!!! 好明顯同廣告不符.....   似乎無須入息證明及住址證明只係FOR初步審批, 最終審批都係要交入息證明及住址證明.  在 精明投資理財 交左入息證明及住址證明一個工作天左右, 就收到SMS話已正式批左啦!!! 同初步審批結果完全相符合!  留意, 記住要選參與" 60日免息免供 "優惠! 什麼是" 60日免息免供 "優惠? 由2020年11月22日至2021年2月28日期間(包括首尾兩天)，成功申請及提取不超過港幣200,000的私人貸款之合資格客戶須於「最終批核結果」頁面自行選擇參加「60日免息免供」，便可於提取貸款後首60天不需供款。如客戶於首個供款日之前提早全數清還貸款，客戶不用支付任何利息而只需償還貸款的本金。 例子: 如於2020年11月...

之前 精明投資理財 有介紹過如何用SC Pay免息借10萬元兩個月 ( 詳情 ): 渣打2020年8月開始，SC Pay有個新功能。如果你有渣打戶口並登記FPS轉數快可以直接選用渣打信用卡轉錢去其他銀行，包括用渣打Asia Miles信用卡/Simply Cash信用卡 (但渣打銀聯信用卡不適用)。推廣期內每月首HK$100,000 (八月至十二月)可以免3.5%的手續費，過10萬就要3.5%手續費。 但推廣期只做到2020年12月底, 大家好快就要還10萬元!   ( 註: 現時渣打將優惠延至2021年3月底 ) 如果大家交稅而手緊的話, 唔使驚! 以下 精明投資理財 會介紹一秘技, 可以再免息續多一個半月左右(實際可能由一個月至兩個月不等)!!!! 不過有一條件, 你要手上有恒生信用卡! 秘技其實好簡單, 就係當你渣打信用卡到最後交錢限期時, 用恒生信用卡通過恒生網上銀行繳付賬單去交, 就可以將條數免息轉入恒生信用卡的下一期帳單, 你只需要在恒生信用卡的下一期帳單最後交錢限期前還10萬元就OK啦! 如是者可免息推遲還款日期一個半月左右, 視乎截數日期甚至可達兩個月. 於是借10萬元兩個月就可以變為四個月!!! 留意, 要玩秘技要先去分行登記付款信用卡帳戶, 無得網上登記.  之後去網上銀行->繳付賬單,  你預先登記付款信用卡帳戶會出現商戶名單中, 就可以交費了! 以下係可以用恒生信用卡找數的部份銀行信用卡, 大家可以見到渣打在此列.  👯聰明的你一定會想到用同樣方法免息推遲交稅兩個月! ✌ 既然係秘技, 不希望大家宣揚開去.......  因為宣揚開去好快恒生或會停了或限制相關操作的可能性.

渣打八月開始，SC Pay有個新功能。如果你有渣打戶口並登記FPS轉數快可以直接選用渣打信用卡轉錢去其他銀行，包括用渣打Asia Miles信用卡/Simply Cash信用卡 (但渣打銀聯信用卡不適用)。 現時推廣期內每月首HK$100,000 (八月至十二月)可以免3.5%的手續費 ， 過10萬就要3.5%手續費。 https://www.sc.com/hk/zh/bank-with-us/sc-pay/ 即是，你有十萬元用, 直到在信用卡下個月還款前都可以免息啦! 不過當然是無得賺分或哩數. 本人有 渣打Asia Miles信用卡, 8月10日 截數. 8月11日用SC Pay從 信用卡轉 10萬元 去銀行, 將會於9月10日結單 截數, 十月初要還款.  即是, 本人可以免息借 10萬元接近二個月!!! 本人9月1日可以 用SC Pay從 信用卡轉多 10萬元 去銀行, 即 本人可以免息借多 10萬元接近一個月!!! 不過, 最重要的是, 要準時找清卡數!  唔係就執到粒糖, 輸左間廠! 2021年渣打延長信用卡免息借10萬元優惠至 三月底 !👏👏👏 https://www.sc.com/hk/zh/credit-cards/terms-and-conditions/overlimit-transfer-handling-fee/ 超額電子轉賬手續費推廣計劃條款及細則: 由2020年8月1日至2021年3月31日(包括首尾兩天)，若閣下在於該曆月（以交易日計算為準）憑渣打/MANHATTAN信用卡透過不時生效之電子銀行服務、個人對個人(P2P)支付服務或流動裝置/應用程式/電子轉賬平台作任何轉賬/增值到指定賬戶（包括但不限於八達通O! ePay賬戶，支付寶香港賬戶）累積轉賬少於100,000港元，本行會免除收續費。本行會就100,000港元其後之所有轉賬金額收取3.5%手續費並誌賬於其中一張累積最多轉賬金額之有效信用卡賬戶內。如當月最後一天為星期日，任何當天之有關交易將計算於下一個月份內。 此優惠只適用於信用卡持卡人於於渣打網上銀行/渣打應用程式轉賬之交易。於轉賬時閣下的信用卡戶口須仍然有效及有足夠可備用信用額。 更新: 渣打繼續延長信用卡免息借10萬元優惠至 七月底 ! 👏👏👏 超額電子轉賬手續費推廣計劃條款及細則: 由202...