HK Smart Money 精明投資理財

最近仍是工作及瑣事繁重.....  呢一兩日加密貨幣巿場怒插.... 似乎同內地政府加大打擊境內加密貨幣巿場有少許關係....   但其實內地政府一直都禁加密貨幣.... 只是部份地方政府及金融機構陽奉陰違.... 隻眼開隻眼閉.  內地禁止比特幣挖礦實屬一大好事, 至少對環境係一大好事!  全國人民都應舉腳贊成!!!!!!   不少地方仍缺電的.... 應該仿傚內地政府. 內地禁止比特幣挖礦及相關金融業務長遠來說不算壞消息... 內地游資經常亂炒...加密貨幣巿場之後可能會更理性.  短期來說, 部份內地游資急性回水, 對加密貨幣巿場會造成一定的沽售壓力. 如果真係咁, 短期或是一個好的低吸機會 (假設牛巿未完). 現時加密貨幣巿場內玩家對後巿意見有分歧: 1. 部份人認為只是牛巿中期調整 2. 部份人認為熊巿已來臨 精明投資理財 現時認為1的可能性為55%, 2的可能性為45%. 堅持以穏定幣收息的策略為主, 低巿中尋找低吸的機會.  之前有從股票巿場抽走部份資金去存穩定幣, 在 APYHARVEST 每日息收以達到115美元!  已經超出本來年底的目標 (部係用本地銀行低息貸款做的).  從上次大插後,  精明投資理財 無太大動作一段時間.  不過昨天已開始入巿部份加密貨幣, 希望捕捉到1的機會...  昨天消耗左持倉1%穏定幣入巿, 今日再跌加碼消耗左持倉2%穏定幣入巿各主要加密貨幣.  現時會繼續做好準備, 出現機會後慢慢入巿. 用左30分鐘打完後 (11:30pm) 發現各主要加密貨幣已比30分鐘前急升5%-15%..... 😱

近期加密貨幣巿場的波動十分大.... 其實基本上係單邊下行的型態.  主要係內地及美國加強打擊加密貨幣, 再加上 香港宣佈準備禁止散戶交易加密貨幣 ! 震散巿場! 現時香港發左牌的交易所基本上都係細到無人有, 完全沒人用...    有部份在香港有OFFICE的大交易所可能要被被迫撤出香港.  其實兩三年前好多大交易所都係香港有重要OPERATIONS, 製造大量就業機會. 不過有不少已因之前香港監管收緊已停止為香港居民開戶, 如OKEX, 其它相信陸續有黎.....同時就大幅將OP撤出香港, 實屬香港的不幸, 加據失業情況. 最近下跌, 有點而過早＂撈底＂...... 基本上一路跌一路買左少量BTC及BNB...   買BNB開始主要為付BSC DEFI 的GAS FEE.... 之後又越跌越買, 搞到買多左少少... 不過幣價現仍繼續跌.... 周末其它ALT COIN都大跌, 都係一路跌一路買,  買早左少少... 搞到昨晚最底部無入到 (其實係瞓左)... 不過平均買入價同現價唔係輸太多.... 暫時輸5%-10%左右...   而BTC及BNB太早入(其實唔係主動買), 估計現價要輸20%-30%😰😰😰 5月25日更新: alt coin已大幅反彈，暫時已有至少5%-30% profit.....   （馬後跑: 當時應入多D）   現時準備將部份新購入 alt coin轉入 APYHARVEST ，長期HODL（部份 alt coin 今個月有入金優惠) ，另外一 部份已放入DeFi玩yield farming 巿場是比較難猜測的, 也許輸錢是短暫的...長期升番的概率還是有比較大, 短期可能繼續整固...  亦有可能加密貨幣從此玩完(估計機會比較微) 最近 精明投資理財 發覺跌巿其實有大戶一早部署後,  當時CHECK到BTC及BNB大跌前係交易所及DEFI平台借貸需求急升..... 現時諗番起其實係借左去沽空BTC及BNB!!!    現時ALT COIN係交大交易所及DEFI平台借貸需求都係十分高 (應該係沽空), 似乎大戶都係睇跌.... 可能係要D用高LEVERAGE散戶爆...

之前太忙(其實現時仍很忙), 唔記得匯報番之前 AirStar Bank 天星銀行兩個月免息貸款體驗 的最終結果. 答案係: 完全無伏! 一月時做左20萬 天星銀行兩個月免息貸款 , 當時攞左大部份去玩 APYHARVEST一月底前到期的入金優惠 , 入五萬港元有3500港元回贈, 有少部份去還卡數.... (主要係儲蓄保險卡數).....  三月份時.... 在兩個月還款到期前,   精明投資理財 就還番本金, 根據條款, 20萬貸款就變左免息, 而事實的確如此, 還款亦相當方法, 係APP咁一下"提前還款"就搞好啦. 最後確認, 係完全免息, 無花無假! 同時亦在同期通過 APYHAREST的入金優惠及高息存款 帶來過萬元收入. 題外話, 天星銀行APP唔可以SCREENCAP.... 用IPAD去影....相機質素超差....  同時亦暴露左個手機MON係裂的......🙈🙈🙈 總體來講, 新開的虛銀間間都算係不錯的, 暫時無見到有太大問題.

注: ApyHarvest似乎已經人去樓空, 1月2日後無左音訊, BINANCE話戶口大部份被轉移... 😢😢😢 精明投資理財 經過數月體驗, 整理一下現時各大CEFI高息加密貨幣戶口的資料, 供大家參考.  何謂高息加密貨幣戶口?  其實就係畀買左加密貨幣等長線升值的人HODL之餘, 並賺取利息. CEFI集合各人HODL的加密貨幣再借畀加密貨幣交易所提供孖展及提供流動性給其他機構投資者(主要係對衝基金crypto hedge fund). 何謂HODL? 即長線持有 HOLD :)  本為論壇用語, 皆因有人打錯字... 現在已在主流媒體廣泛使用. 但現時不少加密貨幣同法定貨幣同港元及美元掛鉤 (即穏定幣StableCoin), 呢D戶口變相讓精明的大家能享用美元及港元高息"存款",  現時一般達10厘以上.  相對於DEFI (Decentralized Finance), CEFI (Centralized Finance) 高息加密貨幣戶口更似加密貨幣世界裏的銀行, 可以算是影子銀行, 但不受各地的存款保障計劃保護, 風險自然比銀行存款高得多. 但CEFI高息加密貨幣戶口的貸款一般全為抵押貸款, 所以在加密貨幣升巿時幾本上無有怕, 但大跌巿時要小心, 不排除部份公司好似國內P2P貸款平台咁會爆煲. 但因為CEFI基本上都係做全為用加密貨幣作抵押的貸款,  精明投資理財 覺得風險會被P2P貸款平台低不少. 另一風險為網絡黑客風險, 發生過不少高息加密貨幣交易所失竊事件. 雖CEFI高息加密貨幣戶口重大失竊事件尚未出現, 但也不排除將來會有.  主要高息加密貨幣戶口詳細比較   Celsius Network Nexo APYHarvest BlockFI Voyager 資產規模 AUM $5.3 Billion (Jan 20, 2021) $4+ Billion (Jan 13, 2021) $2.381 Billion (Jan, 2021) ...