如何零Gas Fee玩DeFi? 辦法二: HotBit

之前有出文講可以用OKCoin平台零Gas Fee玩DeFi, 提供免費的與DeFi如Compound做Yield Farming的橋樑! 入場費50美元做有得玩! 穏定幣賺息, 暫時支持三種, DAI, USDC, USDT!

本文再介紹另一個平台HotBit, 同樣提供零Gas Fee玩DeFi, 入場費部份穏定幣USDT可以低至10美元有得玩, 支援相當多的幣種, 最低入場費不一. 

嚴格來說, HotBit平台只是提供DeFi收益的exposure, 每日將所有收益自動轉換為存入貨幣, 你不會直接收DeFi幣如COMP, UNI, SUSHI作收益. 而OKCoin去Compound用DAI做Yield Farming, 係會收到DAI及COMP兩種混合收益, 真正的DeFi. 

精明投資理財小試牛刀, 之前試投了一次小額50 USDT的HotBit平台DeFi產品, 已經有一個月有多. 其實HotBit平台有上百種投資產品, DeFi產品只是其中一款. HotBit平台現時(4月2日下午6點)的USDT玩DeFi機槍池的年化收益為25.43%! 比APYHARVEST level 3 member的15.96%還要高不少! 最小起投額也只是10 USDT!

坦白講, 唔知點解叫DeFi機槍池?😅  機槍???  🔫🔫🔫

HotBit平台DeFi機槍池產品期限係永續, 可以隨時贖回, 如活期咁, 不過需要一天時間process redemption. 

Anyway, HotBit平台中的DeFi機槍池的年化收益為25.43%不是固定的, 而是會浮動的. 做左一個多月USDT, 都係在19-26%年化收益左右, 平均可能22-23%左右. 投左5星期, 50USDT本金產生約1.12元收益.

以下是更多HotBit平台DeFi機槍池USDT產品條款, 上面寫到本息安全為亮點, 平台提供guarantee. 同時, 條款亦有話HotBit平台DeFi機槍池USDT產品會收取收益中的10%作平台費用, 不過唔知年化收益25.43%是否已扣除費用, 如果未, 實際收益會低25.43%低10%, 即23%左右. 因精明投資理財還未贖回產品, 唔知是否到贖回時再扣....(定係已反映在日利率內)

 

精明投資理財試玩USDT的DeFi機槍池產品是因為USDT出金費用低, 在HotBit平台用TRC-20出金USDT都只有0.1USDT收費! 所以很適合試玩. 

HotBit平台除了USDT玩DeFi機槍池的年化收益高過APYHARVEST level 3 member的年化收益, 仲有兩種主要貨幣的DeFi機槍池的年化收益都高過APYHARVEST level 3 member的年化收益: 

比特幣(BTC)及以太幣(ETH)!

HotBit平台比特幣(BTC)的DeFi機槍池的年化收益通常為9%-10%, 稍高過APYHARVEST level 3 member的年化收益8.14%. 

HotBit平台以太幣(ETH)的DeFi機槍池的年化收益通常為22%, 稍高過APYHARVEST level 3 member的年化收益8.96%. 

不過APYHARVEST時不時有入金優惠, 計入入金優惠之後收益未必比HotBit平台少.  而HotBit平台基本上無任何入金及開戶優惠. 

精明投資理財也計劃將部份ETH從APYHARVEST轉過去HotBit做DeFi機槍池, 現時有22.69%收益, 以ETH支付.  最低起投為0.05ETH, 不算高.

因為APYHARVEST最近新出"優惠": 

入金的network fee 如過300美元都會被APYHARVEST cover, 估計出入金過300美元都會免transaction fee.

之前APYHARVEST daily statement有略提及:

而網站FAQ都有講:

所以就將來將ETH轉番入APYHARVEST, 都應無額外交易費用.

當然, 要睇下HotBit平台的可靠度, 精明投資理財覺得要比OKCoin及APYHARVEST都差唔少, 所以唔建議大家收太多資產入去. 因為佢集齊OKCoin及APYHARVEST的問題.

其一, HotBit平台話事人不明, 同APYHARVEST一樣都係保密. APYHARVEST其實因為英國有註冊, 所以APYHARVEST做DD時其實可以查到一D公司代表.  HotBit平台因為放錢唔多, 無做詳細DD, 所以揾唔到邊個係入面主事. 同時公司地點也是個迷.... 之前網上話係香港.... 但之後又有人查唔到係香港註冊...

其二, HotBit平台好明顯運作主要係內地... 睇佢英文就知... 翻譯得怪怪地... 話事人同OKCoin一樣多數係內地...內地現時係禁加密貨幣的, 話事人隨時可被拉去收監... 運作或會收影響. 但OKCoin現時已將運作分散至全世界各地, 總部亦似乎搬去San Francisco, 香港似乎也算有個"總部"... 所以穏陣好多.

雖然如此,  HotBit平台算係知名老品牌平台, 曾經雄霸一方, 一度算係10大交易所, 交易量驚人. 之後內地宣布禁加密貨幣之後便有少少逐漸式微....  現時賣點係支援幣種相當多, 應係加密貨幣交易所中支援最多幣種的交易所, 同時投資產品相當豐富, 精明投資理財覺得HotBit平台不少投資產品挺不錯的, 而且不少投資產品做左近兩年, 有track record.