幣安Binance的一些不太"規範"的東西

幣安Binance最近處於風頭浪尖上, 貴為全球最大加密貨幣交易所, 自然會有較多regulator針對. 

日本及大英帝國先後話幣安Binance無牌在當地運作, 應該影響有限... 好多人玩加密貨幣就係唔想被regulator所控制(for good reasons or bad reasons). 另加密貨幣其實無分國界, 無得話禁就禁. 

貴為加密貨幣大佬, 精明投資理財覺得有D位較傳統金融無咁"正規".  精明投資理財除左有係幣安Binance時不時做grid trading, 都經常光顧其理財產品. 

以下係一D位可能有少少伏:

1. Locked Staking
幣安Binance時不時有推出高息locked staking, 通常LOCK短期(通常15日)APR會比平時高不少.  LOCK 15日利息, 你會以為會固定, 其實唔係.  有部份的確係15日APR不變, 但也有部份只是能維持高APR幾日, 之後幾日會低不少. 經驗就係多數OK, 少數會比之前預期少好多.

2. 浮息理財產品

幣安Binance浮息理財產品好多都係開始有高息, 之後有慢慢變低息的傾向.  之前有推出 DeFi Staking, 開始USDC有30%,APR 之後得<10%APR, 現在似乎完全無左DeFi Staking. 同樣道理, 之前推出Liquid Swap, StableCoin LP開始有15%左右, 現在只有2-3%, 大幅縮水.

3. Dual Investment 

精明投資理財以前有係銀行買開外幣高息掛鉤存款, 最近多在買加密貨幣高息掛鉤存款, 因加密貨幣波幅大, 息比較高. 多數周三會向幣安Binance買相關高息掛鉤存款 (如價格合適時).

本月頭玩Dual Investment (即加密貨幣高息掛鉤存款), 發現有個問題, 要揾幣安Binance客服.

個問題係傳統金融一般掛鉤存款個strike price都係固定的, 按照買時的strike price計. 理應如此. 

但係本月加密貨幣價格激烈波動, 精明投資理財買左後, 幾日後翻查記錄, 發覺記錄上的BTC Strike Price比買入時顯示高出4000美元!  即如果到期日BTC下跌, 跌破strike price 要被迫以高 4000美元的比特幣價格. 如行使, 精明投資理財因倉位較重, 同原本strike price 比會有2-3萬港元損失. 

就後揾客服:  

第一日: 客服(似乎外判去左印度)完全唔明情況, 講極都唔明. 話無記錄. 

第二日: 叫客服揾上頭, 終於用九牛二虎之力揾到人查到買時strike price係低4000美元. 

第三日: 以為可以糾正錯誤, 第三日有人覆(似乎係legal team), send左個LINK, 上面有一條款列明strike price唔係固定, 在特定時間可以更改!  幣安Binance當時因BTC升左提升strike price　4000美元. 

由於之前BTC跌，似乎無調低strike price， 精明投資理財曾經因此高價位接左少少BTC. 

今次BTC升卻調高strike price, 有搬龍門之嫌.... 點都會輸!!!!

(可能大部份人都唔明呢D)

幸好, 最後BTC在結算日幸運地升過strike price, 所以精明投資理財最後無仼何損失. 

而精明投資理財之後有再買,  發覺今次幣安Binance在買完後因BTC跌有調低strike price! 所以唔係只係會單邊對幣安Binance有利先會去調整. 

即係也還了幣安Binance清白! 無去"坑人". 

估計幣安Binance product structuring team 無法做到real-time hedging/pricing, 所以係要batch pricing.... 會同買時巿價有所adjustment, 特別本月波動大的時候. 

其實以上都有條款寫明, 幣安Binance法律部應該唔係廢的, 只不過一般人唔會仔細睇....  部份同用慣傳統金融的預期係有落差, 覺得無咁"規範"或有少少誤導. 

而總體上幣安Binance仍然係最值得信賴的交易所之一.