現時環境多詐騙, 特別是加密貨幣, 大家要小心!

現時環境多詐騙個案, 大家一定要小心!  

- 多留意係唔係山寨網, 以防他人釣你登入資料及密碼!

例如今日的一單: 男子收假冒中銀短訊受騙　被轉走13萬元

- 另要提防"殺豬盤"網上騙案, 都唔少! 

據報導, "網上投資騙案去年初在港興起，騙徒專攻「寂寞的心」，以社交程式與受害者結為朋友或戀人，其後引誘對方使用虛假應用程式或網站投資騙財，已有多人中招。警方去年共錄得逾180宗相關個案，牽涉金額達8500萬元"!

例如之前有一單: 殺豬盤網上騙案增 男鋼琴教師遭「男友」騙財逾1300萬

- 社交軟件推垃圾炒股, 揾傻散高位接貨

新移民親述WhatsApp群組中伏四部曲　單日輸50萬：蝕咗廿年血汗錢

精明投資理財最近搭地鐵時, 都見到旁邊一位男士, 似乎就係係微信揾緊水魚, 推垃圾股走貨.

- 加密貨幣都好多詐騙, 好多通過社交軟件揾水魚

精明投資理財平時唔多玩Telegram.. 但唔知點解無啦啦被加入一些群組... 至少有三個都是已加密貨幣交易所命名, 分別為Hotbit, 幣安, 及火幣... 話係官方中文群... 但一睇就知係SCAM, 話什麼智能搬磚套利.... 根本係無呢回事... 無可能呃到精明投資理財.  不過睇下, 每一個群組人數, 有成7000幾人, 太恐怖!   火幣官方中文群似乎開到50個以上! 希望交易所平台本身無參與! 

唔知係有咁多人受騙, 定係有咁多人係入面做媒... 規模大到令人震驚! 群內仲十分活躍, 但唔知點解, 精明投資理財被禁言, 本想係群內提醒係騙案!

大家千萬要小心, 現在社會似乎詐騙當道, 世風日下!

更新: 行騙群內面已有15659人, 迅速壯大!!!! 

由於群編號為50, 相信共有65萬隻"豬"或詐騙團伙....... 規模相當大!! 殺豬盤太猖狂!

火幣不知是被利用或是有參與, 大家小心為妙. 隨時被公安查封.