派網Pionex"期現套利"詳解及體驗: 能獲取超額回報嗎?

一個半至兩個月前, 某讀者問及Pionex的"期現套利", 係唔係堅? 之後大家都有試, 現分享下體驗.

讀者提及時, 本人當時仍未試過Pionex, 但係"期現套利"的策略其實係一直在Crypto Quant Trading App 中存在的一種玩法, 不過能否獲取超額回報就係另一回事. 

另一方面,  什麼"套利"策略一直被SCAMMER用來騙錢? 大家一定要小心, 什麼"搬磚套利", 99%都係騙局... 但在社交平台仍不時會受到SCAMMER推銷.... 之前都有提過...  大家唔好上當!

"期現套利"的策略係什麼? 

其實係利用牛巿中, FUTURE-PERP的價格好可能會現貨價格高. 由於FUTURE-PERP無交收日, 交易所為左達到FUTURE-PERP及現貨PRICE CONVERGENCE, 會要求:

當FUTURE-PERP PRICE>現貨 PRICE, LONG FUTURE-PERP 要支付及SHORT FUTURE-PERP一定的費用，而費用大致同差價相關。

當FUTURE-PERP PRICE＜現貨 PRICE, SHORT FUTURE-PERP 要支付及LONG FUTURE-PERP一定的費用，而費用大致同差價相關。

過去大家一直處於牛巿中， 所以多數FUTURE-PERP PRICE>現貨 PRICE， 即LONG FUTURE-PERP 要支付及SHORT FUTURE-PERP一定的費用。

"期現套利"策略其實好單， 就係同一價格買現貨， 同時SHORT FUTURE-PERP， 因為牛巿多數FUTURE-PERP PRICE>現貨 PRICE， 你SHORT FUTURE-PERP的POSITION會從LONG FUTURE-PERP持貨人定期收一定的費用， 呢個策略的回報就係來自呢個費用。

聰明的你一定會諗到，如果熊巿掂？ 如果FUTURE-PERP PRICE＜現貨 PRICE, SHORT FUTURE-PERP 要支付及LONG FUTURE-PERP一定的費用，而費用大致同差價相關！ 即你可能分分鐘要支付一定的費用，反而有機會有所損失。

所以未玩前... 理論上長線似乎未必有超額回報．．．

Pionex交易平台查左一下， 無太多RED FLAGS...  其中其小部份股東的股東係某隻美國上巿中概股... 可以確定應該唔係SCAM.

於是精明投資理財也在Pionex小試牛刀, 存入2000USDT玩.

三月底時, 巿況好(FUTURE-PERP PRICE>現貨 PRICE), APY經常去到50%以上.

玩法好簡單, 在Pionex你選擇好COIN(如BTC/USDT) 後再選擇"期現套利". Pionex的UI都相當方更, 應該無難度. 

Pionex上你可以輕鬆搜尋現時收費用最多的COIN... (如上圖按資金費率排名)

現時其實唔係好高, 最高先+0.0410%! (藍色圈表示)

+0.0410%代表什麼?  其實係每8小時, 你SHORT FUTURE-PERP的POSITION會從LONG FUTURE-PERP持貨人定期收一定的費用比率.

Pionex的"期現套利"其實就係LONG SPOT＋ SHORT FUTURE-PERP， SHORT FUTURE-PERP的部份每八小時會收到0.0410%的"息＂..

"期現套利"其實自己很易在交易所直接玩，如Binance, FTX等. 

Pionex的LONG SPOT係用幣安Binance或火幣Huobi開倉， SHORT FUTURE-PERP係用幣安Binance開倉， 每八小時結算一次＂息＂．所以你完全可以輕易自己係Binance做...  可以有更多控制及自訂差價（適合高級玩家)

一般玩家來說， Pionex的UI相當方便，你唔需要明原理都輕鬆玩到. 其中一個好處係 Pionex會係你爆倉前會自動平倉, 避免爆倉相關費用. 點解會爆倉? 因為有SHORT FUTURE-PERP倉位, COIN大升的話保證金可能不足夠(特別係用做LEVERAGE)而被斬倉.

另外,  Pionex的交易佣金為0.05%, 比幣安Binance一般用戶0.1%還平!  所以還是比自己做交易成本要低.  Pionex靠什麼賺錢? 其實就是0.05%交易佣金..... Pionex係大戶, 在幣安Binance及火幣Huobi交易係零佣金, 0.05%佣金 is all Pionex的利潤.

Pionex"期現套利"最少50USDT一注, 為左分散, 當時其實開左30+注唔同COIN的策略....其餘拿左去玩"網格交易" (以後有時間再講).

剛開始有OPEN FEE (開倉佣金), 所以回報係負的.... 如果FUTURE-PERP PRICE>現貨 PRICE, 你每八個小時可以收"息",  等一兩天回報就會變正.  三月份40%-80%APY係平常事.

開倉時可選LEVERAGE, DEFAULT係2X,  最高可選3X, 倍數越高, 正常情況下回報越高, 風險也越高, 如爆倉風險. 由於Pionex會係你爆倉前會自動平倉, 至少你會多左開倉及平倉佣金要付.

精明投資理財試玩時多數係3X, 但由於加密貨幣波動, 唔少倉位都會被自動平倉及自動調整倉位, 不過開倉及平倉佣金其實只是0.05%, 所以損失可以幾乎忽略..  上圖為清倉前的WARNING MESSAGE. 

開倉時有差價控制可選, 其實無什麼用, 因為差價變動可以很快. 理想的情況係你開倉時差價大, 平倉時差價細, 你可以賺埋差價. 實際上係因為差價變動太快, 你開倉就算SET左差價控制parameter (say, +0.1%), execution時的差價可以差好遠 (say, -0.1%).  精明投資理財估Pionex應係兩邊落market order, but you may some slippage loss for thin-traded coins. 

"期現套利"直至四月尾APY都好高, 四月初經常去到150-200%APY以上.

四月初LEVERAGE TRADING熾熱, 所以FUTURE-PERP PRICE經常遠高於現貨 PRICE....所以APY一直好高......

直至某一天比特幣急跌... 好多人爆倉.... 當日都有寫以下BLOG:

洗黑錢傳聞震散巿場, 二十四小時內一百萬散戶共一百億美元資金被斬倉! 

那天真是分水嶺...  之後MARKET DYNAMICS 完全唔同左...

"期現套利"似乎之後已經高APY不再....  直至現在，只有零星COIN有高APY.

其實不只是APY不再, 你可能仲有損失....

巿況差時, FUTURE-PERP PRICE大機會＜現貨 PRICE, SHORT FUTURE-PERP 要支付及LONG FUTURE-PERP一定的費用, 即你會倒貼錢. 

比如話當天, 很多COIN都變左負150至負400%APY....... (在好多人爆倉的那一天)

幸好, 你可以在每八小時PAYMENT前CLOSE POSITION, 咁就可以避過負APY...

當天其實都CLOSE左一半倉位..... 部份即使負APY都無CLOSE。因為當日有D差價非常大(負)，以至unrealized loss 太大， 平倉會損失a few percentage。 

結果負APY只是持續兩三個CYCLE, 即一天左右...之後轉番正, 不過只有5-8% APY, 持續了起碼兩星期左右... 現時或許高少少... 但也高唔到多少.

上圖係另一例子, 當時APY去到-350%!!!!!!   之後及之前每次才有4%-5%.... 即放多90個CYCLE先可以RECOVER當時負APY.....

所以"期現套利"的PAYOFF係asymmetric...  mostly positive with a few extreme losses over a long horizon...  所以精明投資理財都係等到觀察左近兩個月先寫體驗。 

四月中起,  精明投資理財已CLOSE左95%"期現套利"倉位, 因為現時回報不夠吸引... 放番APYHARVEST及試玩一些DEFI項目. 

總體來説, "期現套利"不是無風險, 精明投資理財覺得長遠回報同去FTX交易所放貸差不多(或者高不了多少), 現時仲低過放CEFI (如APYHARVEST).

但係leveraged future trading巿場熾熱時 (如三四月), APY可能過100%, POSITION基本上係MARKET NEUTRAL, 所以係值得從巿場高位套現去玩"期現套利", 作分散投資的一個好選擇.

不過現時 "期現套利"APY一般唔高(少數幣例外), 放CEFI (如APYHARVEST)或玩DEFI會回報高好多... 暫時不太值得玩 (試玩可以).

好處Pionex係USDT入金可以通過TRC-20, 出金也可以通過TRC-20而無任何出金費用... 

更新: 5月17日再試了一次TRC-20出金, 現時要收1USDT出金費用

所以精明投資理財可以從FTX及APYHARVEST分別以TRC-20及ERC-20入金無費用, 而從Pionex出金通過TRC-20出金去FTX及幣安Binance都無任何出金費用。

高級玩家點玩? 直接交易所低買COIN, 升高時再SHORT PERP, 鎖住利潤對沖再收"息＂，就唔係同一價同時又買SPOT又SHORT PERP...